• गरिब हुनु अभिसाफ हो त्यसै माथि कोरोना भो – कवयत्री रन्जना दाहाल

    म्यूजिक खवर
    प्रकाशित: २१ भाद्र २०७७, आईतवार

    गरिब हुनु अभिसाफ हो त्यसै माथि कोरोना भो !
    सडक पेटि सबै ठप्प बबुराको काहाँनि यो !!
    आगो फुक्यो अगेनामा दाउरा ठोस्यो आगो बल्यो !
    कराई बसाई चामल हेर्दा बेहोशिले आफै ढल्यो !!

    यता उति छाम- छुम गरि सिधा उठ्न जुर्मुरायो !
    छैन खान घरभित्र नुनमा पानी मिसाई खायो !!
    पानी खाई टन्न भयो पिपिरिको सुर्ति तानि !
    किन जन्मे हेभगवान ! भन्दै उठ्यो दिग्दार मानि !!

    सुत्नलाई ओछ्यान तान्यो ढुंगा रैछ सिरान मुनि !
    त्रिपालबाट पनि तप -तप बर्खा नै छ अझै पनि !!
    कोरोनाको डर छैन मरे पनि मरुँ बरु !
    भ्रस्ट गर्ने सबै टन्न कता जाउँ म कसो गरु !!

    नेता हिड्छन यहि बाटो सिंहदरबार बैठक भनी !
    डा. सन्दुक हटाई दिनुस भ्रस्ट गर्ने जालो पनि !!
    कुलमान आई त्रिपाल मुनि एउटा बत्ति बालि दिए !
    सुन्तलि र धुर्मुस आई एउटा छाप्रो हालि दिए !!

    अनेक सोचको कल्पनाले बिहान भाको पत्तो हैन !
    बरु मार्देउ कोरोना देव भोलि देख्न मन छैन !! 2

    धन्यवाद !

    कवयत्री रन्जना दाहाल साहित्य विधामा रुचि राख्दै गित, गजल कबिता लेखनमा सक्रिय छिन।

    फेसबुक प्रतिक्रिया
    सम्बन्धित शीर्षकहरु