काठमाडौं । यही असोज १० गतेदेखि देशभरका सिनेमाघरमा रिलिज हुने चलचित्र ‘रातो टिका निधारमा’ यति बेला प्रसार प्रसारमा निस्किएको छ । रातो टिका निधारमाबाट नेपाली फिल्ममा डेब्यु गरेका नव नायक अंकित शर्माले आफु पढेको विद्यालय भ्रमण गरेका छन् । प्रचार प्रसारको क्रममा फिल्म युनिट काभ्रेको पनौतीस्थित मल्पी इन्टरनेशनल स्कुलमा पुगेको छ । मल्पी स्कुलका प्रिन्सिपल र विद्यार्थीले आयोजना गरेको शुभकामना आदानप्रदान कार्यक्रममा अंकित र साम्राज्ञी राज्यलक्ष्मी शाहले आफ्ना अनुभव सुनाएका थिए । उनीहरुले आफुले भोगेका र जानेका कुरा विद्यार्थी सामु पेस गरे । ए,ए ,ग्रुप अफ कम्पनीबाट निर्माण भएको भलचित्रमा फिल्ममा साम्राज्ञी राज्यलक्ष्मी शाह, नायक अंकित शर्मा र निता ढुंगानाको अलावा रविन्द्र झा, बुद्दि तामाङ, खुश्बु खड्का, बसुन्धरा भुषाल, लक्ष्मी गिरी, अरुणा कार्की, राजाराम पौडेल, शिवहरि पौडेल, जयनन्द लामा, अर्जुन श्रेष्ठ लगायतका कलाकारहरुको अभिनय रहको छ । चलचित्रका निर्माता किरण शर्मा र कृति शर्मा हुन् भने चलचित्रको गीतमा शम्भुजित बाँस्कोटा र कल्याण सिंहको संगीत, प्रमोद खरेल, मेलिना राई, निशान भट्टराई र अस्मिता अधिकारीको स्वर रहेको छ । हदेव ढुंगाना, डा,कृष्णहरि बराल र रवि मल्लको लेखनमा बसन्त श्रेष्ठको कोरियोग्राफी रहेको उक्त चलचित्र पुरुषोत्तम प्रधानको छायाँकन र मित्र देव गुरुङको सम्पादन रहेको छ ।