शताब्दी पुरुष संस्कृतिविद् सत्यमोहन जोशीले पाए पहिलो ई–पासपोर्ट
म्यूजिक खबर
प्रकाशित: १ मंसिर २०७८, बुधबार २०:५४
प्रकाशित: १ मंसिर २०७८, बुधबार २०:५४
काठमाडौँ । सरकारले आजदेखि विद्युतीय राहदानी अर्थात् ई–पासपोर्ट जारी गरेको छ । पहिलो ई–पासपोर्ट शताब्दी पुरुष संस्कृतिविद् सत्यमोहन जोशीले पाएका छन् । जोशीलाई एक समारोहबीच परराष्ट्रमन्त्री नारायण खड्काले इ९पासपोर्ट वितरण गरेका हुन् ।
वैदेशिक यात्राका लागि यसअघि मशीन रिडेबल पासपोर्ट ९एमआरपी० प्रयोग हुँदै आएकोमा बुधवारदेखि सरकारले विद्युतीय राहदानी (ई-पासपोर्ट) कार्यान्वयनमा ल्याएको हो ।
नयाँ पासपोर्ट लिनेहरूलाई अबदेखि विद्युतीय पासपोर्ट दिइने राहदानी विभागले जनाएको छ । सुरुका १० दिन परीक्षणको रूपमा हेरिने भएकोले सीमित सङ्ख्यामा मात्रै राहदानी वितरण गरिन्छ , विभागले भन्यो ।
त्यसपछि भने प्राविधिक पक्षहरूको अध्ययन गरेर नयाँ बनाउन आउने वा पुरानो राहदानीको समयावधि सकिएका सबैलाई ई९पासपोर्ट नै दिइने छ ।
ई(पासपोर्टमा भएको विद्युतीय चिप्समा व्यक्तिको सबै विवरण हुने भएकोले साइबर कानुनका कतिपय जानकारले भने सुरक्षाबारे चिन्ता व्यक्त गरेका छन्।
लामो समयसम्म प्रयोगमा रहेको हस्तलिखित पासपोर्टलाई विस्थापित गरेर एमआरपी लागु गरेको राहदानी विभागले त्यसको झन्डै ११ वर्ष पछि ई(पासपोर्ट प्रयोगमा ल्याएको हो।
अब विभागले दिने राहदानीमा विद्युतीय चिप हुने र त्यसमा सम्बन्धित व्यक्तिका विवरणहरू समाविष्ट हुने बताइएको छ।
फेसबुक प्रतिक्रिया
सम्बन्धित शीर्षकहरु
ताजा अपडेट
Warning: Use of undefined constant post_date - assumed 'post_date' (this will throw an Error in a future version of PHP) in /home/musickha/public_html/wp-content/themes/musickhabar2018/sidebar.php on line 25
Warning: Use of undefined constant desc - assumed 'desc' (this will throw an Error in a future version of PHP) in /home/musickha/public_html/wp-content/themes/musickhabar2018/sidebar.php on line 26
