काठमाडौँ । लामो समय नेपाली सांगीतिक क्षेत्रमा रहेर योगदान पू¥याउँदै आएकी गायिका देबिका केसीले नयाँ गीत ‘नयाँ गलबन्दी’ सार्वजनिक गरेकी छिन् ।
गीतमा देबिकाको साथमा ‘आइएमई नेपाल लोक स्टार’ का विजेता शनी विश्वकर्माले गायनमा साथ दिएका छन् ।
लोकप्रिय संगीतकार तथा सर्जक शिव हमालको सुमधुर संगीत रहेको गीतमा शब्द पनि हमालको नै रहेको छ ।

हिजो (असोज १ गते) शिब हमालकै युट्युब च्यानलबाट अपलोड गरिएको गीतले ट्रेण्डिङको यात्रा शुरु गरेको छ ।
४७ औं स्थानबाट शुरु भएको ट्रेण्डिङको यात्रा उक्लदों क्रममा छ ।
यो समाचार तयार पारिरहँदा ३६ औैं स्थानमा आउन सफल भएको छ ।
गीतको भिउजको रफ्तारले गीत ट्रेण्डिङको शिर्ष स्थानमा पर्ने संकेत देखाएको छ ।
गीतलाई सकारात्मक कमेन्ट मिलेको छ । अधिकांश कमेन्टमा शब्द, संगीत, एरेन्ज र स्वर सबै पक्षको तारिफ गरिएको छ ।

स्टार पल शाह र नायिका वर्षा राउतको दमदार अभिनय रहेको ‘नयाँ गलबन्दी’ आजै रिलिज भएको हो ।

सुनिल क्षेत्रीले निर्देशन गरेको नयाँ गलबन्दीलाई दुर्गा पौडेलले खिचेका हुन भने अमृत चापागाईंले सम्पादन गरेका हुन ।
गायक शिव हमालकै अफिसियल युटुयुब च्यानमा उक्त गीत अप्लोड गरिएको छ।