काठमाडौं । लोकप्रिय मोडलद्वय शंकर बिसी र सारिका केसीले अभिनय गरेको ‘रारा तालैमा’ बोलको म्यूजिक भिडियो सार्वजनिक भएको छ । सार्वजनिक गीतमा बिमा कुमारी दुरा, गायक धर्मराज पोखरेल, कृष्ण सुधा ढुंगाना र सुरेश रमण अधिकारीको स्वर रहेको छ ।

गीतमा शिखर गजरकोटेको शब्द तथा कृष्ण सुधा ढुंगानाले संगीत भरेका छन् । गीतमा बिबी अनुरागीको संगीत संयोजन रहेको छ ।

दुर्गा पौडेलले छायांकन गरेको उक्त गीतको भिडियोमा नविन घर्ती मगरको सम्पादन रहनुका साथै गायक धर्मराज पोखरेलको युट्यूब च्यानलमार्फत सार्वजनिक गरिएको छ ।