![](https://musickhabar.com/wp-content/uploads/DNA-announcement-poster-300x150.jpeg)
काठमाडौं — अभिनेता जीवन लुर्इंटेल एउटा नयाँ गीतको म्युजिक भिडियो मार्फत दर्शकमाझ आएका छन् । मोरङका गायक राम धिमालले गाएको ‘कति टिप्छौ ऋतुका फूल’ मार्फत अभिनेता लुईंटेलले २०७३ सालको अभिनय थालनी गरेका हुन् । भिडियोमा अभिनेत्री सम्पदा बानियाँले अभिनेता लुईंटेललाई अभिनयमा साथ दिएकी छिन् । पुराना टेलिभिजनकर्मी कृष्णदेव रुपाखेतीले यो भिडियो निर्देशन गरेका हुन् । रमाइलो कुरा के छ भने आफूले अभिनय गरेको नयाँ भिडियो सार्वजनिक भएपछि जीवनको नयाँ चलचित्र ‘बाजीगर’ वैशँख १७ गते शुक्रवारदेखि प्रदर्शन हुँदैछ । विरेन्द्र राईको शब्द तथा गायक धिमालको संगीतको यो गीतमा चाँद सिंहको संगीत संयोजन छ । अमृत सुनुवारले छायांकन गरेको यो भिडियोका सम्पादक निशान घिमिरे ।
२०५२ सालदेखि सांगीतिक क्षेत्रमा आएका गायक राम धिमालले लोक संंगीतमार्फत यो यात्रा प्रारम्भ गरेका हुन् । ‘माया मारी जान्न बिर्सेर’ गीत रेकर्ड गर्दै सांगीतिक क्षेत्रमा आएका धिमालले आधुनिक तथा शास्त्रीय संगीतमा समेत लामो समय बिताएका छन् । शारदा क्षेत्रीसंग शास्त्रीय संगीतको अध्ययन गरेका धिमालले भारतको अलाहावाद विश्वविद्यालयबाट संगीतमा बिसारत गरेका छन् । पछिल्लो समय संगीत प्रशिक्षकको रुपमा सक्रिय गायक धिमालले केही समयपछि नै आफ्ना एकल गीतहरुको एल्बम सार्वजनिक गर्ने योजना बनाएका छन् ।