![](https://musickhabar.com/wp-content/uploads/DNA-announcement-poster-300x150.jpeg)
२३ असोज २०७४, सुनसरी । गायिका अन्जु पन्तद्वारा संचालित अन्जु पन्त फाउण्डेसनद्वारा सुनसरीको इटहरी स्थित गैरी गाउँ र शिवनारायण टोलका बाढी पीडित ३८५ बालबालिकाहरुलाई शैक्षिक समाग्री वितरण गरिएको छ । गत महिनाको बाढीबाट क्षतिभएको उक्त बस्तिमा गायिका पन्त आफंै उपस्थित भई बालबालिकालाई शैक्षिक सामग्री वितरण गरेकी हुन् । सोही कार्यक्रममा माईका नेपालद्वारा उपलब्ध गराइएको ग्याँस चुल्हो, पानी फिल्टर लगायत घर बनाउने बाँस पनि वितरण गरिएको थियो ।
गायिका पन्तले राहत बितरण कार्यक्रममा म यस्तो गीत गाउँछु र सुर्के थैली खै भन्ने गीत गाउँदा स्थानिय बाढी पीडितहरु रमाएर नाँचेका थिए ।
राहत वितरण कार्यक्रममा इटहरी उप–महानगरपालिकाका उपमेयर श्री लक्ष्मी गौतम, माईका नेपालका राष्ट्रिय संयोजक थिर के.सी., स्थानीय जन प्रतिनिधिहरुको समेत उपस्थिति रहेको थियो ।