पौष ८, काठमाण्डौ । नेपाली फिल्म वडा नम्बर ६ को ‘सुर्केथैली खै’ गीत नेपाली संगीत बजारमा जति लोकप्रिय छ, त्यो भन्दा बढी यो गीत युट्युबमा हिट भइरहेको छ । लामो समयदेखि युट्युबमा हिट १० गीतको एक नम्बरमा ‘सुर्केथैली खै’ रहिरहेको छ । यो गीतको हिटिङ रेट अझै बढ्दो क्रममा छ । बिहीबार युट्युबमा यो गीत हेर्नेको संख्या एक करोड ७४ लाख ५ हजार २ सय ५८ रेकर्ड भएको छ । सुर्केथैली पछ्याउँदै छक्कापञ्जा फिल्मको गीत ‘पूर्वपश्चिम रेल’ उत्कृष्ट १० को दास्रो स्थानमा छ । हालै ठूलो पर्दाको हलमा सयदिने प्रदर्शनको खुशी छक्कापञ्जाले मनाइसकेको छ । वडा नम्बर ६ को गीत भन्दा धेरै पछि युट्युबमा पसेको यो गीत हेर्नेको संख्या एक करोड निकट पुग्दै छ ।

प्रस्तुत छ युट्युबमा उत्कृष्ट भएका १० नेपाली गीतहरुको नामावली:

पहिलो गीत : सुर्केथैली खै (वडा नम्बर ६)
दास्रो गीत : पूर्वपश्चिम रेल (छक्कापञ्जा)
तेस्रो गीत : शिरैमा शिरबन्दी (हाउफन्नी)
चौथो गीत : निर जहिले रिसाउने (पुरानो डुंगा)
पाँचौ गीत : कम्मरमाथि पटुकी (नाइ नभन्नु ल ३)
छैटौं गीत : म यस्तो गीत गाउँछु (प्रेमगीत)
सातौं गीत : कुरा खाँटी छ (परदेशी)
आठौं गीत : ठमेल बजार (लुट २)
नवौं गीत : फिगर कोकाकोला (अधकट्टी)
दशौं गीत : मैना राजा मैना रानी (नाइ नभन्नु ल ४)