• ‘नाईं मलाई थाहा छैन’ को सफलता पछि सन्जिब र टीकाको ‘पहिलो भेटैमा’

    म्यूजिक खवर
    प्रकाशित: २८ कार्तिक २०७४, मंगलवार

    कार्तिक २७, काठमाडौं । ‘नाईं मलाई थाहा छैन’ का गायक गायिका सन्जिब पराजुली र टीका प्रसाईंको अर्को गीत ”पहिलो भेटैमा’ को म्युजिक भिडियो सार्वजनिक भएको छ । यस गीतमा होमनाथ न्यौपानेको शब्द रचना, दीपक भट्टराईको संगीत तथा साहस शाक्यको संगीत संयोजन रहेको छ। हालै सार्वजनिक गायक संजीबको एकल एल्बम ‘त्यो सपना…’ मा समावेश यो गीतमा गायिका टीका प्रसाईंले साथ दिएकी छन् । गायकद्वयका ‘नाईं मलाई थाहा छैन’ र ‘तिमी मलाई मन पर्छ’ का साथै अन्य गीतहरुले पनि अत्यधिक चर्चा पहिले नै पाईसकेका छन् ।

     

    ‘पहिलो भेटैमा’ गीतको म्युजिक भिडियोमा नायक कर्मा र नायिका वर्षा शिवाकोटीको दमदार प्रस्तुति हेर्न सकिन्छ । नायक कर्माको यो पहिलो म्युजिक भिडियो रहेको कुरा नायकले हामीलाई जानकारी दिए । भिडियोको निर्देशन हालै सम्पन्न ‘नेपाल आइडल’का डाइरेक्टर लक्ष्मण पौडेलले गरेका हुन् भने दृश्य सम्पादन भरत रेग्मीको रहेको छ । भिडियोमा कोरियोग्राफी दिपेन्द्र श्रेष्ठको रहेको छ ।

    भिडियो हेर्नुहोस:

    फेसबुक प्रतिक्रिया
    सम्बन्धित शीर्षकहरु