असार १४, काठमाडौं । जेठ महिना लागेपछि नै तीज नजिकिएको आभाष हुन्छ । कोहि तीजे गीत रेकर्ड गर्नमा व्यस्त छन् त कोहि म्यूजिक भिडियो बनाउनमा । यस्तै गायिका रितु कँडेलको सुमधुर आवाज, लोकनाथ सापकोटाको शब्द तथा संगीतमा तयार भएको ‘मेरा त दाजै सिंगापुरे लाहुरे’ बोलको तीज गीतको सुटिङ सम्पन्न भएको छ ।

मेरा त दाजै सिङ्गापुरे लाहुरे
सिङगापुरको फरीया लर्काउँदै
नाचे छमछमी कम्मर मर्काउँदै
दिनले खाकी बिहे नभाकी छमछमी नाचन जुनेली …
आफू त बिहे नभएकी चेली,
अब लाउछु नजरिया कर्काउँदै,
नाच छमछमी कम्मर मर्काउँदै
गायिका रितु कँडेलले यी शब्द भाका हाली गाउँदै नाच्दा साडी चोलोमा सजिएकी मोडल अल्का सुबेदी भने छमछमी नाचेकी छिन् ।

केही दिनभित्रै सार्वजनिक गरिने तीज गीतको भिडियोलाई लिएर गायिका रितु निकै नै उत्साहित भएको बताउँछिन् । गीतको भिडियोको निर्देशन स्मृति तिमल्सिना ‘गुरुआमा’ले निर्देशन गरेकी हुन् । ललितपुरको धोबीघाटस्थित सिद्धार्थ कटेजमा सुटिङ भएको उक्त गीत छिटै रिलिज हुने जानकारी रितुले दिइन् ।