शिरशिर शिरशिर हावासँगै बग्दै आउने बाचा गर्दैछिन् गायिका मिरा कार्की । गायक प्रमोद खरेल र गायिका मिरा कार्कीको स्वरमा रहेको शिरशिर शिरशिर बोलको गीतमा संयोगान्त भावले मायाप्रेम बुन्न खोजिएको छ । लुकीलुकी मायाले भेट्ने कुरा र माया चोलीको तुनामा साँचेर राख्ने कुरालाई यथार्थ रुपमा सागरजस्तै स्वच्छ र कञ्चन रुपले प्रस्तुत गरिएको छ । गायिका मिरा कार्की नयाँ गायिका हुन् तर उनको नयाँपन भने भेटिँदैन । बीबी अनुरागीको संगीत र संगीत संयोजनमा तयार भएको यो गीतलाई विष्णु कार्कीले लेखेका हुन् ।

यस गीतको म्यूजिक भिडियोलाई रविन्द्र बरालले निर्देशन एवं छायाँकन गरेका छन् भने निशान घिमिरेले सम्पादन गरेका छन् । भिडियोमा अभिनेता दिलिप रायमाझी र सम्पदा बानियाँले अभिनय गरेका छन् ।  ओपल अडियो भिडियोले बजारमा ल्याएको यस गीत गायिका मिरा कार्कीको नयाँ एल्बम बहारभित्र समावेश गरिएको छ ।