एक्लै बस्दा, सिरानीले बिझायो कि, मेरो माया छ भने जोडाजस्ता चर्चित गीतहरुका संगीतकार रत्नबहादुर खड्गीको ७९ वर्षको उमेरमा आज विहान ६ बजे निधन भएको छ । त्रिपुरेश्वरस्थित ब्लुक्रस अस्पतालमा फोक्सोमा देखिएको तेस्रो तहको क्यान्सरको उपचार गराईरहेका संगीतज्ञ खड्गीलाई रोगले च्याप्दै गएपछि भक्तपुर क्यान्सर अस्पताल लगिएको थियो । उपचारकै क्रममा उनको बिहीबार बिहान निधन भएको पारिवारिक स्रोतले जानकारी दिएको छ । यतिबेला उनको पार्थिव शरीरलाई प्रज्ञा प्रतिष्ठानमा श्रद्धाञ्जलीको लागि राखिएको छ । गीतसंगीत क्षेत्रका संगीतकर्मी, गीतकार, गायक गायिकाको उपस्थिति भइरहेको छ ।

‘कर्मको रेखा नमेट्दो रैछ’ उनकै संगीतमा सिर्जना भएको गीत आज उनकै जीवनमा मेल पुगेको छ । बहुप्रतिभाका धनी रत्नबहादुरले हजारौं गीतमा सुमधुर संगीत भरेका, आधा दर्जन गीत लेखेका र झन्डै एक सयवटा गीतमा स्वर दिएका छन् । पछिल्लो समय उनी आफ्नै लगानी र संयोजनमा एकल एल्बम ‘मेरो यात्रा’ को तयारीमा थिए । मिक्सिङको अन्तिम तयारीमा रहेका बेला छातिमा समस्या देखिएपछि मोडेल अस्पताल पु¥याउँदा क्यान्सर भएको थाहा भएको थियो ।

खोकीमा रगत देखा परेपछि मोडल अस्पतालमा भर्ना हुँदा बागबजारनिवासी रत्नको बोली ठप्प भएको थियो । २०१० सालमा रेडियो नेपालमा गीत गाएर सांगीतिक यात्रा थालेका रत्नका एक्लै बस्दा, सिरानीले बिझायो कि, मेरो माया छ भने जोडाजस्ता दर्जनौं गीत चर्चित र सदाबहार किसिमका छन् ।
संगीतकार खड्गीको मृत्युको खबर पाएपछि सामाजिक सञ्जालमा केही संगीतकर्मीले यसरी लेखेका छन्ः