कुवेत, ६ बैशाख । गायक प्रमोद खरेल र गायिका राधिका हमालले कुवेतमा हंगामा मच्चाएका छन् । शुक्रबार भएको एक सांगीतिक कार्यक्रममा उनीहरुले हंगामा मच्चाएका हुन् । नेपाल कुवेत सांस्कृतिक मञ्चको आठौं प्रस्तुतिमा गायक प्रमोद खरेलले कन्ट्रोल नै भएन, हंगामा, मेरो दिल छ पोखरामा, डुबायो पापी मायाले जस्ता गीतहरु गाएर कुवेतमा रहेका नेपालीहरुलाई मनोरञ्जन प्रदान गरेका थिए भने गायिका राधिका हमालले चर्चित लोकदोहोरी गीतहरु गाएर दर्शकलाई नचाएकी थिइन् । त्यस्तै नेपाल कुवेत सांस्कृतिक मञ्चका कलाकारहरुले पनि खरेल र हमालको साथमा विभिन्न प्रस्तुतिहरु दिएका थिए । नव वर्ष २०७१ को शुभकामना आदान प्रदानको सँगै सांस्कृतिक कार्यक्रम आयोजना गरिएको उक्त कार्यक्रमलाई शुभारम्भ २०७१ म्यूजिक शो नाम दिइएको थियो ।