काठमाण्डौ । जब कुनै चाडपर्व नजिकिन्छ तब प्रवासमा रहेकाहरुलाई घरबासको यादले सताउने गर्दछ । यतिबेला त झन् नेपालीहरुको महान चाड बडादशैं नै नजिकिएको छ । चाडपर्व रमाइलोसँग मानौंला, अनि चिची नाना र पापाको रहरलाई पनि पुरा गरौंला भनेर परदेशीएकाहरुको पीडा तथा व्यथा कस्तो होला ? यस्तै बाध्यतामा परदेशिएका दाजुभाइहरुलाई दशैंमा फर्किनका लागि प्रसिद्ध गायिका मुना थापा मगरले आग्रह गरेकि छिन् । यो समयमा दशैं अनि घरदेश र प्रदेशको यथार्थलाई चित्रण गर्दैं विभिन्न दशैं गीतहरु बजारमा आइरहेका बेला गायिमा मुनाले पनि गीत मार्फत नै यस्तो आग्रह गरेकि हुन् ।

भर्खरै बजारमा आएको गायक मंगल बि.क.को फर्क परदेशी गीतमा गायिका मुना सँगै गायक बि.क.ले पनि स्वर दिएका छन् । परदेशिएका दाजुभाईहरुलाई स्वदेश फकिनका लागि संदेश बोकेको उक्त गीतमा शब्द तथा लय पनि मंगल बि.क. कै रहेको छ । गितको भावलाई थप आम श्रोता तथा दर्शकहरु माझ प्रस्ट्याउनका लागि यस गीतको म्युजिक भिडियोमा देबेन्द्र क्षेत्री र आशा खड्काको उत्कृष्ट अभिनय रहेको छ भने यस म्युजिक भिडियोलाई निर्देशन कपिल लामाले,छायांकन राजेश घिमरेले र सम्पादन गिरिश रिजालले गरेका छन् । गीतलाई बिन्ध्यबासिनी म्युजिक प्रालिले सार्बजनिक गरेको हो ।

भिडियो :