एक दशक अघि सांगीतिक क्षेत्रमा प्रवेश गरेर लोक दोहोरीमा एक छत्र राज गरेकी गायिका हुन् विष्णु माझी । तत्कालीन हटकेक गायिकाको पत्तिंmमा उभिएका गायिकाहरु बिमा कुमारी दुरा, लक्ष्मी न्यौपाने र शर्मिला गुरुङको बिकल्पमा उभिन थालेकी सुमधुर स्वरकी धनि विष्णुले बिस्तारै उनै सिनीयर गायिकाहरुलाई फाट्टफुट्ट गीत गाउने गायिका बनाइन् । लोकदोहोरीको सांगीतिक इतिहासमा उनलाई स्वर किन्नरी नै मानियो ।

आफ्नो स्वरको बढ्दो डिमाण्डलाई एउटा गीत गाएको ४० हजार रुपैया समेत लिएकी विष्णु नेपाली संगीतको इतिहासमै सबैभन्दा महंगी गायिका हुन् । अहिलेसम्म नेपालमा यो रेकर्ड ब्रेक गर्न कसैले सकेको छैन । वितेका एक दशकमा सयौँगीत गाएर आफुलाई ससर्वाधिक सफल र महंगी गायिकाको परिचय बनाउन सफल भएकिी विष्णु माझी कहाँ के गर्दै छिन् भन्ने बारे कसैले मुख खोल्न सकेका छैनन् । अनौठो जीवन शैलीकि गायिका विष्णुको नयाँ तस्विबर समेत हेर्न पाइंदैन, आठ वर्ष पहिलेका ३,४ वटा बाहेक तस्बिर गुगल सर्च गर्दा नि भेटिंदैन ।

गायन क्षेत्रबाट हराएर भूमिगत शैलीमा रहेकी गायिका विष्णु माझीको तीन साल यता तिजको गीत मात्र सून्न पाईएको छ । यस पटक पनि उनको ‘मै छोरी सलल’ भन्ने तिजको गीत युट्युव मार्फत सार्वजानिक भएको छ । पाँच हजार गीतमा स्वर भरिसकेकी र दशकभन्दा बढी समयदेखि लोकगायनमा जमेकी बिष्णुको स्वर सुनिन्छ तर दोहोरो कुराकानी गर्ने मौका कसैले पाएकै छैनन् । अनौठो जीवन शैलीकि गायिका विष्णुले सुन्दरमणि अधिकारी सँग बिबाह गरेकी हुन् ।