काठमाण्डौ । ‘हिजोलाई सम्मान, आजलाई प्रोत्साहन , भोलिलाई उत्थान भन्ने नाराको साथमा कूल २१ विधामा अवार्ड वितरण गर्दै आयोजना भएको ‘एनएफडीसी राष्ट्रिय चलचित्र पुरस्कार’ को पाँचौ संस्करणमा संगीतकार कालिप्रसाद बास्कोटा र गायिका मिना निरौला राष्ट्रिय पुरस्कारबाट सम्मानित भएका छन् । बास्कोटालाई ‘शम्भुजीत सर्वोत्कृष्ट संगीतकार, राष्ट्रिय चलचित्र पुरस्कार’को अवार्ड प्रदान गरिएको हो । भने गायिका मिना निरौलालाई ‘उदित सर्वोत्कृष्ट पाश्र्व गायन, राष्ट्रिय चलचित्र अवार्ड’ मीना निरौलाले हात पारेकी छन् ।

संगीतकार कालीप्रसादलाई चलचित्र पुरानो डुंगाको ‘नीर जहिले रिसाउने’ गीतबाट उक्त अवार्ड प्रदान गरिएको थियो । त्यस्तै गायिका मिनालाई ‘लूट २’ को ठमेल बजार गीतबाट उक्त अवार्ड दिइएको थियो ।

गोपीकृष्ण मुभिजद्वारा राजधानीमा आयोजित सो अवार्ड समारोहमा चलचित्र जात्राबाट विपीन कार्कीले ‘शिव सर्वोत्कृष्ट अभिनेता राष्ट्रिय चलचित्र पुरस्कार’ जितेका हुन् भने अभिनेत्री प्रियंका कार्कीले चलचित्र छक्का पञ्जाबाट ‘भुवन सर्वोत्कृष्ट अभिनेत्री राष्ट्रिय चलचित्र पुरस्कार’ चुमेकी हुन् ।

विभिन्न २१ विधामा वितरण गरिएको पुरस्कारका विजेता र चलचित्रको नाम यसप्रकार छः