काठमाडौं । निर्देशक ओम प्रतीकको निर्देशनमा बन्न लागेको चलचित्र ‘मोहर’को छायाँकन सुरु भएको छ । काठमाडौं फिल्म मेकर्स प्राइभेट लिमिटेडको ब्यानरमा निर्माण हुन लागेको चलचित्र ‘मोहर’ को माघ १४ गतेदेखि छायांकन प्रारम्भ भएको हो। काठमाडौंको गागलफेदीमा अभिनेत्री बेनिशा हमालले पहिलो शट दिँदै यो चलचित्रको छायाँकन प्रारम्भ भएको हो ।
चुम्बन जङ्ग शाहीको चलचित्र ‘मोहर’मा कलाकारहरु पल शाह, अर्जुन जङ्ग शाही, बेनिसा हमाल, नीति शाह, मिथिला शर्मा, लक्ष्मी गिरी, रबिन्द्र झा, सुशील देवकोटा लगायतको अभिनय रहेको छ । चलचित्रमा दिपेन बस्नेतको छायाँकन, कुमार महर्जनको द्वन्द्व, सुरेश अधिकारी तथा एसडी योगीको संगीत र प्रमोद ढुङ्गाना र हर्क साउदको गीत रहेको छ । चलचित्रको प्रोडक्सन डिजाइनर लक्ष्मण राज पौडेल रहेका छन् । यो चलचित्रको छायकन काठमाडौंलगायत दाङ्ग तथा रोल्पासमेत गरिने निर्देशक ओम प्रतिकले जानकारी गराएका छन् ।
चलचित्र ‘मोहर’ को प्रदर्शन २०८२ सालको तीजलाई लक्षित गरिने निर्देशक ओम प्रतीकले बताए ।