• विवाह सम्बन्धी ५ गीतको एल्बम विनिताको ‘लगनगाँठो’

    म्यूजिक खवर
    प्रकाशित: ८ मंसिर २०७७, सोमबार

    काठमाडौं । गीतकार विनिता खनालले बिबाह सम्बन्धी ५ गीत समावेश भएको गीति एल्बम ‘लगनगाँठो’ सार्वजनिक भएको छ । यो एल्बममा ‘आयो है आयो (मेहेन्दी गीत), धुतुरी धुतुरी बाजा बजाई (जन्ती गीत), दौरा सुरुवाल चिटिक्कै (रत्यौली गीत), विदाइ गर्न छोरी तिमीलाई (दुलही अन्माउने गीत) र छमछम पाउजु (रिसेप्सन गीत) समावेश गरिएको छ ।

    यो एल्बममा किरण कँडेलको संगीत छ । ‘आयो है आयो’ गीतमा प्रविशा अधिकारी, धुतुरी धुतुरी बाजा बजाईमा मेलिना राई र श्रीवास्तव खरेल, दौरा सुरुवाल चिटिक्कैमा मिना निरौला, बिदाइ गर्न छोरी तिमीलाईमा बानिका प्रधान र छमछम पाउजुमा निकिता थापा र प्रताप दासको स्वर छ ।

    कार्यक्रममा एल्बममा समावेश पाँचैै गीतको म्यूजिक भिडियो सार्वजनिक गरिएको थियो । विवाहका पाँच गीतमध्ये ‘मेहेन्दी’ गीत युटुबमा सार्वजनिक गरिएको छ । पाँचै वटा भिडियोलाई सुव्रतराज आचार्यले निर्देशन गरेका हुन् ।

    पाँचवटै विवाहका गीतमा विजु पार्की र रेश्मा घिमिरे दुलहा र दुलहीको भूमिकामा छन् । भिडियोमा अभिषेक श्रेष्ठ, शर्मिला मल्ल, शिशिर राणा लगायतको अभिनय पनि हेर्न सकिन्छ । भिडियोमा उत्सव दाहाल र उत्तम हुमागाँइको छायांकन, विकास दाहालको सम्पादन छ ।

    फेसबुक प्रतिक्रिया
    सम्बन्धित शीर्षकहरु