नेपाली तीज पर्व नजिकिए संगै तीजका गीतहरु आउने क्रम एकदमै बढ्दो छ। यो बर्षको तीज गीतको भिडमा गायिका कला लम्सालले ‘पातली’ बोलको मौलिक तीज गीत सार्वजनिक गरेकी छिन् ।  गीतले राम्रो प्रतिक्रिया पाइरहेको छ । आफ्नै युट्युव च्यानलबाट प्रसारण गरिएको यस गीतलाई दर्शक श्रोताले निकै रुचाइदिएका छन् ।
गीत टिकटकमा पनि निकै रुचाइएको छ । टिकटकप्रतिको क्रेज देखेर फ्यान फलोअर्सका लागि उनले यस गीत ‘पातली’ लाई टिकटकमा प्रतियोगिताकै घोषणा गरेकी छिन् । प्रतियोगिताका उत्कृष्ट तीनलाई पुरस्कार समेत राखिएको छ । प्रथम हुनेलाई २५ हजार बराबरको सारी, द्वितीयलाई १५ हजार बराबरको लेहेंगा र तृतिय हुनेका लागि ५ हजारको बराबरको कुर्ता सुरुवाल दिइनेछ । गीतका ४ टुक्का मध्ये जुनसुकै भागमा टिकटक बनाउन सकिनेछ । त्यसका लागि कलाको अफिसियल टिकटक आईडि @kalalamsal31 लाई फलो गरेर टिकटक रोज्न सकिनेछ । सारी लगाएको भिडियोलाई उनले प्राथमिकतामा राखेकी छिन् । तीज महिलाको चाड भएको हुनाले भिडियो महिलाले बनाएको भिडियो मात्र प्रतियोगितामा समावेश हुनेछन् । यस प्रतियोगिताको निर्णायकमा यसै गीतका टिम रहने जानकारी गायिका कलाले जानकारी दिईन।

यस गितमा शिव हमालको लय तथा शब्द रहेको छ भने गीतलाई आशिष अविरलले एरेन्ज गरेका छन ।

प्रकाश भट्टको निर्देशनमा तयार पारिएको म्युजिक भिडियोमा करिश्मा ढकाल र कला लम्सालको उत्कृष्ट अभिनय रहेको छ भने भिडियोलाई राजेश घिमिरेले छायांकन साथै बिष्णु शर्माले सम्पादन गरेका छन ।