काठमाडौं । लोकप्रिय गायिका मेलिना राई र चर्चित एरेञ्जर तथा गिटारिस्ट सञ्जीव बराइलीसँगको इन्गेजमेन्ट भएको छ । उनीहरुको इन्गेजमेन्टको तस्वीर सार्वजनिक गरेर विवाह गर्ने तयारी गरेको संकेत दिएका हुन् ।

मेलिना र सञ्जीवले दुई वर्षअघि नै इन्गेजमेन्ट गरिसकेका छन् । इन्गेजमेन्ट गरेको तस्वीर भने मेलिनाले शुक्रबार मात्रै सामाजिक सञ्जालमा सेयर गरेकी हुन् ।

आफूहरु चाँडै विवाह गर्ने तयारीमा रहेको र इन्गेजमेन्ट भने दुई वर्षअघि नै गरेको मेलिनाले जानकारी दिइन् । उनीहरुले यसै वर्षभित्र विवाह गर्ने तयारीमा रहेको उनीहरुले बताए ।