नुवाकोट । नेपाली सांगीतिक क्षेत्रका लोकप्रिय संगीतकर्मीहरुलाई नुवाकोटको विदुरमा आयोजित एक समारोहमा नाट्यश्वर म्युजिक अवार्ड प्रदान गरिएको छ ।

आइतबार आयोजित दोस्रो संस्करणको नाट्यश्वर म्युजिक अवार्ड ‘नाट्यश्वर सबै कलाकारको शान, कलाकारिताको जगेर्ना हाम्रो अभियान’ भन्ने मुल नाराका साथ सम्पन्न भएको हो ।

समारोहमा वरिष्ठ संगीतकार राजु सिंहलाई लाइफटाइम अचिभमेन्ट अवार्डबाट सम्मानित भएका छन् ।

प्रमुख अतिथि पूर्वमन्त्री तथा नेपाली कांग्रेस केन्द्रीय सदस्य अर्जुननरसिंह केसीले आयोजकका तर्फबाट संगीतकार सिंहलाई नगद ११ हजार रुपैयाँसहित सम्मान गरेका हुन् ।

समाारेहमा आधुनिक, पप, लोक दोहोरी तथा मेन्दोमाया लगायत मूल विधालाई आधार बनाएर अवार्ड वितरण गरिएको हो ।

कार्यक्रमका संयोजक किरण अधिकारीका अनुसार गायन तथा संगीत क्षेत्रका विविध ४८ विधामा ६० जना कलाकारलाई अवार्ड वितरण गरिएको हो ।

समारोहमा सर्वोत्कृष्ट राष्ट्रिय भाव शब्दतर्फ सुन्दर पन्त र जुरी अवार्ड रमेश दाहाल, म्यूजिक भिडियो निर्देशक राजीव बलामी, नवज मोडल सरिता कुँवर, पब्लिक च्वाइसतर्फ चन्द्रलाल तामाङ उत्कृष्ट भए ।

लोकदोहोरीतर्फ विष्णु खत्री, सविता परियार, जमुना राना, रमिला न्यौपाने, कृष्ण रेउले लगायतले अवार्ड जिते ।

कला तथा रंग पत्रकारितामार्फत कला, संस्कृति तथा संरक्षणमा कलम चलाएको जनाउँदै आयोजकले विभिन्न सञ्चारमाध्यममा कार्यरत पाँच जना पत्रकारहरु देवचन्द्र भट्ट, दिपज्योति थापा, निमेष गौतम, बाबुराम सिग्देल र राममणि ढकाललाई सम्मान गरेको छ ।