काठमाडौं । नेपाली सङ्गीत तथा नाट्य क्षेत्रका विभिन्न ६ जना स्रष्टा र साधकहरूलाई नेपाल सङ्गीत तथा नाट्य राष्ट्रिय प्रज्ञा पुरस्कार– २०७५ प्रदान गरेको छ । राष्ट्रपति विद्यादेवी भण्डारीले राष्ट्रपति भवन, शीतल निवासमा आयोजित एक विशेष समारोहमा पुरस्कार प्रदान गरेकी हुन् । पुरस्कार प्राप्त गर्नेमा वरिष्ठ साधकहरू नाट्य विधातर्फ श्यामदास वैष्णव, सङ्गीत विधातर्फ प्रेमध्वज प्रधान, परम्परागत तथा शास्त्रीय सङ्गीत विधातर्फ जगदेव कामत, रङ्गमञ्च विधातर्फ ओममणि शर्मा, नृत्य विधातर्फ हनी श्रेष्ठ र लोकसङ्गीत विधातर्फ प्रेमदेव गिरी छन् । पुरस्कृत व्यक्तिहरुलाई ताम्रपत्र र दोसल्लाका साथ जनही एक लाख एक रुपैयाँ प्रदान गरिएको थियो ।

नेपाल सङ्गीत तथा नाट्य प्रज्ञा–प्रतिष्ठानद्वारा आयोजित सो कार्यक्रममा शताब्दी पुरुष सत्यमोहन जोशी लगायतको उपस्थिति रहेको थियो । पुरस्कृत व्यक्तिहरू सबै आ–आफ्नो क्षेत्रमा पाँचदेखि सात दशकसम्म अविच्छिन्न योगदान पु¥याउँदै आएका छन् ।