सर्वाधिक राशीको गायन प्रतियोगिता– ‘नेपाल लोक स्टार’ हुने ! प्रथम हुनेलाई ५० लाख !
म्यूजिक खबर
प्रकाशित: ९ मंसिर २०७५, आईतवार
प्रकाशित: ९ मंसिर २०७५, आईतवार
नेपाल टेलिभिजन र एपी वान टेलिभिजनबाट सर्वाधिक राशीको गायन प्रतियागिता ‘नेपाल लोक स्टार’ संचालन हुने भएको छ । पुस १७ गतेबाट संचालन हुने लोक स्टारमा प्रथम हुनेलाई ५० लाख रुपैयाँ, दोस्रो हुनेलाई २५ लाख र तेस्रो हुनेलाई १० लाख रुपैयाँ पुरस्कार प्रदान गरिने आयोजक चाहाना मिडियाका अध्यक्ष सहदेव कोइरालाले जानकारी दिए । सांगीतिक प्रतियोगितामा सान्त्वना पुरस्कारको पनि व्यवस्था गरिने उनले बताए ।
‘नेपाल लोक स्टार’ प्रतियोगिताका लागि अडिसन आवेदन यही मंसिर १५ गतेबाट खुल्नेछ । कोइरालाका अनुसार आवेदन नेपाल लोक स्टारको एप्स र वेभसाइटबाटै पनि भर्न सकिने छ । विभिन्न चरणमा हुने लोक स्टार प्रतियोगिताले लोक संगीतको विकास र उन्नयनमा मद्दत पुर्याउने अध्यक्ष कोइरालाले बताए ।
लोक स्टारको प्रमुख निर्णायकमा चर्चित लोक गायक जयनन्द लामा हुने छन् । लामाले संगित महाविद्यालय इलाहबाद भारत र डिस्ट्रीक अफ कोलम्विया पब्लीक स्कुल अमेरीकाबाट उच्च शिक्षा हासिल गरेका छन् ।
आधुनिक विधालाई केन्द्रित गरी संचालित विश्व चर्चित टेलिभिजन फ्रेन्चाइज आइडलको नेपाली संस्करण ‘नेपाल आइडल’मा प्रथम हुनेलाई ३० लाख पुरस्कार छ भने ‘भ्वाइस अफ नेपाल’मा २५ लाख रुपैयाँ पुरस्कार राशी छ । तर, लोक संगीतलाई मात्रै केन्द्रित गरी संचालनको तयारी गरिएको ‘नेपाल लोक स्टार’ मा ५० लाख रुपैयाँ पुरस्कार तोकिएकाले धेरैले यसलाई चासोका साथ हेरेका छन् ।
यो पनि पढ्नुहोस्-
विन्ध्यवासिनी म्यूजिक अवार्डमा शक्ति बल्लभलाई लाइफटाइम, घिमिरेलाई संगीत पत्रकारिता पुस्कार, अजर र प्राश्ना भए उत्कृष्ट गायक गायिका
काठमाडौं । नवौं संस्करणको विन्ध्यवासिनी म्यूजिक अवार्ड २०७५ मा नेपाली संगीत क्षेत्रमा तीन दशकभन्दा लामो समयदेखि निरन्तर योगदान पु¥याए वापत अग्रज संगीतकार शक्ति बल्लभ श्रेष्ठलाई १ लाख रुपैयाँ सहितको ‘बिन्ध्यवासिनी लाईफ टाईम एचिमेन्ट अवार्ड–२०७५’बाट सम्मानित गरिएको छ । मुक्तिनाथ विकास बैंकको प्रस्तुति एवं भूगर्भ सिमेन्टको सहकार्य विन्ध्यवासिनी फाउन्डेशनको आयोजनामा काठमाडौंको कमलादी स्थित नेपाल प्रज्ञा प्रतिष्ठानको प्रेक्षालयमा भएको म्यूजिक अवार्डको अवसरमा शक्ति बल्लभलाई लाईफटाईम एचिभमेन्ट अवार्ड प्रदान गरिएको हो ।
त्यस्तै अवार्डमा गायक अजर जंगम र गायिका प्राश्ना शाक्य उत्कृष्ट गायक गायिका बन्न सफल भए । ३३ विधामा अवार्ड प्रदान गरिएको अवार्डमा सुमग संगीततर्फ सर्वोत्कृष्ट गायक चाहिएन सागरबाट अजर जंगम र गायिका ए हावा गीतबाट प्राश्ना शाक्यले चुम्न सफल भए ।
कार्यक्रममा २५ हजार ५ सय २५ रुपैयाँ सहितको संगीत पत्रकारिता पुस्कार–२०७५बाट पत्रकार रमण घिमिरेलाई सम्मानित गरियो ।
यस्तै १५ हजार ५ सय १५ रुपैयाँ सहितको संगीत रत्नसम्मानबाट गायक सुगम पोखरेललाई, १० एक सय १० रुपैयाँ सहितको विन्ध्यवासिनी चलचित्र सम्मानबाट चलचित्र कालोपाथीका निर्देशक मिनबहादुर भामलाई सम्मानित गरियो ।
सुमग संगीत तर्फ दिलिप योञ्जन तामाङको गीत आफ्नै छायाँले‘ गीतबाट वर्षको सर्वोत्कृष्ट गीत बन्न सफल भयो । यस्तै सर्वोत्कृष्ट सुगम संगीतकारको अवार्ड माया गर्छु मनै मनमा बाट श्रीकृष्णबम मल्ल, सुगम संगीत रचनातर्फको अवार्ड मुटु चोरी लाने मायालाई बाट राजुबाबु श्रेष्ठले प्राप्त गरे । त्यस्तै सुगमतर्फ नै महिला गीतकारको अवार्ड सुन्दर फूलको थुँगाबाट पद्मा लिंखा मगर, सर्वोत्कृष्ट एल्बमको अवार्ड बि.एम. गुरुङ बलु ‘सृष्टीका बिम्ब’ र संगीत संयोजकको अवार्ड तिमी एक प्रेम कथाबाट कमल सौरागले पाउन सफल भए ।
फेसबुक प्रतिक्रिया
सम्बन्धित शीर्षकहरु
