काठमाडौं । लोकप्रिय गायिका शान्तिश्री परियार र गायक उदित थापाको स्वरमा ‘पानी आउन्न सुन्धारामा’ बोलको नयाँ म्यूजिक भिडियो सार्वजनिक भएको छ । सार्वजनिक गीतमा र रमेश परियारको शब्द तथा संगीत रहेको छ। विश्वास नेपालले संगीत संयोजन गरेको गीतमा बिनोद परियारले मिक्सिङ तथा मास्टरिङ गरेका हुन् । ओजोन रेकर्डिङ स्टुडियोमा रेकर्ड गरिएको गीतका रेकर्डिस्ट राजु सुनाम हुन् ।

म्यूजिक भिडियोका बादशाहका रुपमा चिनिएका शंकर बिसी लामो समयपछि यहि गीत मार्फत सांगीतिक क्षेत्रमा फर्किएका छन् । गीतको भिडियोमा शंकरको निर्देशन तथा कोरियोग्राफी रहेको छ । दुर्गा पौडेलको छायांकन गरेको भिडियोमा लोकप्रिय अभिनेत्री प्रियंका कार्की र गायक उदित थापा स्वयंको अभिनय रहेको छ।

नविन घर्तीको सम्पादन रहेको गीतको भिडियोलाई उदित थापाको युटुब च्यानलबाट सार्वजनिक गरिएको हो।