सुनैको शिरफुल किन्न सकिनँ, बारीको फूल टिपी लाएँ बरिलै
घर धन्दा नसकि हिंड्न सकिनँ, छिट्छिटो गरेर आएँ बरिलै ।।
माथीका हरफहरु गायिका स्वरुपा रसाइलीको कर्णप्रिय स्वरमा सजिएको तीज गीतको हो । ‘बारीको फूल’ बोलको गीत सार्वजनिक भएसँगै गीतको सम्पूर्ण पक्ष उत्कृष्ट भएको भन्दै बधाईको ओइरो लागेको छ । मिठो, सरल, मन छुने शैलीमा बनाइएको गीतले वास्तवमै गाउँरघरको झल्को दिएको छ । मौलिकता सङ्गै धेरै कुराको मिश्रण छ ।
सुरिलो स्वरकी धनि गायिका स्वरुपा रसाइलीको स्वरले सजिएको यस गीतमा बिबि अनुरागीको शव्द संगीत र संगीत संयोजन रहेको छ । गीतमा स्वर गायिका स्वरुपा रसाइलीको साथै उनकी आमा पवित्रा रसाइलीको समेत स्वर रहेको छ । प्रिज्म डिजिटल स्टुडियोमा रेकर्डिङ गरिएको भएको यस गीतको अडियो सम्पादन श्यामश्वेत रसाइलीले गरेका हुन् ।
यूवा निर्देशक देवेन्द्र बब्लुको निर्देशन रहेको यस गीतको म्यूजिक भिडियोमा सृष्टि खड्का, उत्साह, समिक्षा, देवेन्द्र र कृष्ण वि.क. को अभिनय रहेको छ भने भिडियोमा बाल कलाकार शिक्षा रसाइली र सर्जक रसाइलीको पनि अभिनय रहेको छ । म्यूजिक भिडियोको छायाँकन राहुल राइले गरेका हुन् भने सम्पादन प्रविण भट्टले गरेका हुन् । शव्द, संगीत र भिडियोले मौलिकता बोलेको गीत भनेर अधिकांश कमेन्टमा श्रोता दर्शकले आफ्नो प्रतिक्रिया दिएका छन् ।