स्टेट वान सिङ्गिङ्ग आइडलको फिनाले
म्यूजिक खबर
प्रकाशित: २३ मंसिर २०७६, सोमबार
प्रकाशित: २३ मंसिर २०७६, सोमबार
धरान । यहि मंसिर २५ बुधबार धरानस्थित धरान सभागृहमा प्रदेश न. १ स्तरिय पहिलो स्टेट वान सिङ्गिङ्ग आइडलको फिनाले हुदैछ ।
रेडमुन इन्टरटेनमेन्टको आयोजनामा हुन लागेको स्टेट वान सिङ्गिङ्ग आइडलमा विभिन्न चरणको अडिशन तथा निर्णायकहरुको बिभिन्न चरण पार गर्दै फिनालेको लागि नौ जना प्रतियोगीहरु भिड्दैछन् । भोजपुरको सुदेश राई, झापाकी जस्मिन बराल, सुनसरीकी प्रिया लामा, उदयपुरकी शोभा तामाङ, पाँचथरको डेबिट लिम्बु, धनकुटाकी शान्ता लिम्बु, धनकुटाका हिमाल मगर, सुनसरीकी शोभा कुलुङ्ग र झापाका समिर मोते लगायतको नौ प्रतिस्प्रधीहरुले फिनालेमा देखाउने आफ्नो गायन प्रस्तुतिबाट पहिलो स्टेट वान सिङ्गिङ्ग आइडलको छिनोफानो हुनेछ ।
वरिष्ठ गायक दीप श्रेष्ठ प्रमुख निर्णायक रहने स्टेट वान सिङ्गिङ्ग आइडलको अन्य निर्णायकहरुमा दक्षिण कोरियामा एक समय कोरियन गीतहरु गाएर नाम कमाएका तथा हाल एनआरएन कोरियाका सल्लाहकार समेत रहेका गंगाराज राई र संगीतकार, गायक तथा प्राज्ञ रामकुमार राजधामी रहेका छन् ।
स्टेट वान सिङ्गिङ्ग आइडलको बिजेताले भेस्पा स्कुटी, दोस्रोले ७० हजार र तेस्रोले ५० हजार पुरस्कार पाउनेछन् ।
फेसबुक प्रतिक्रिया
सम्बन्धित शीर्षकहरु
