काठमाडौं । लोकप्रिय गायिका सुनिता दुलालले सधैं झै यसपटक पनि उत्कुष्ट मौलिक गीत ‘स्वामीकी प्यारी’ बजारमा ल्याएकी छिन्। उनले यो गीतमा पनि तीजसंग जोडिएका केही मौलिक परम्परालाई व्यक्त गरेकी छिन् ।

‘सुनिता दुलाल युटयुब च्यानल’ मार्फत सार्वजनिक गीतमा अभिनेत्री गौरी मल्ल, सुमिना श्रेष्ठ, बिना राउत, सरोज राना प्रजाको अभिनय छ । अमेरिका निवासी शिताश्मा भुसालको शब्द रहेको गीतलाई बिबि अनुरागीले संगीतबद्ध गरेका छन् ।

दिपक विष्टको सम्पादन र श्यामश्वेत रसाईलीको मिक्सिङ रहेको गीत अजय रेग्मीले छायांकन र काजिस श्रेष्ठले निर्देशन गरेका हुन् । सुनिताका यसअघि ‘यसपाली नि खाने दर’, ‘चुरा टिका लाली’, ‘इच्छा पु-याइदेउ’, ‘नाचौ सरर’, लगायतका तीज गीत चर्चित छन् ।