‘द भ्वाइस अफ नेपाल’ बाट आशिष र रिहान बाहिरिए पछि अन्तिम चारको लाग्यो टुंगो
म्यूजिक खबर
प्रकाशित: ३ पुष २०७९, आईतवार
प्रकाशित: ३ पुष २०७९, आईतवार
काठमाडौं । टेलिभिजन गायन रियालिटी शो ‘द भ्वाइस अफ नेपाल–४’मा अछामका आशिष महर र भुटानका रिहान गिरी बाहिरिएका छन् ।
शनिबार राति भएको एपिसोडबाट महर र गिरी बाहिरिए पछि चौथो सिजनको ‘द भ्वाइस अफ नेपाल’का अन्तिम चार जनाको टुंगो लागेको छ ।
अन्तिम चारमा प्रमोद खरेलको टिमबाट योगेश मगर, राजु लामाको टिमबाट करण राई, राजेशपायल राईको टिमबाट सविना लिम्बू र प्रविशा अधिकारीको टिमबाट साहिल लिम्बु पुगेका छन् । यी चार जनाले उपाधिका लागि प्रतिस्पर्धा गर्ने छन् ।
आशिष ‘द भ्वाइस’बाट बाहिरिएपछि धेरैले प्रतिभाको कदर नभएको भन्दै अलोचना गरिरहेका छन् । शनिबार भएको प्रतिस्पर्धामा भ्वाइसका पूर्वविजेता किरण गजमेर पनि उपस्थित थिए ।
‘द भ्वाइस अफ नेपाल’ का यी ८ प्रतिस्पर्धीहरुबाट आज को–को बाहिरिएलान् ?
फेसबुक प्रतिक्रिया
सम्बन्धित शीर्षकहरु
ताजा अपडेट
