हुन्न है यो माया कस्तो माया (भिडियोसहित)

म्यूजिक खबर
प्रकाशित: २३ असार २०७६, सोमबार

काठमाडौं । चलचित्र यो माया कस्तो मायाको हुन्न है बोलको गीत सार्वजनिक गरिएको छ । शनिबार एक कार्यक्रम आयोजना गर्दै चलचित्रको गीत सार्वजनिक गरिएको हो । किसान पोखरेलको निर्देशनमा तयार चलचित्र यो माया कस्तो मायाको रिलिज मिति भने तय गरिएको छैन । चलचित्र असोजसम्ममा रिलिज हुने बताउदै निर्देशक पोखरेलले चलचित्र पूर्ण रुपमा प्रेमकथामा आधारीत रहेको पनि खुलाएका छन् ।

चलचित्रको सार्वजनिक गीतमा अर्जुन पोखरेलको संगीत , शिवानी मोक्तान तथा उद्धिपध्वज थापा को आवाज रहेको छ । गीत लेखन भने अम्बीका शर्माको रहेको छ । चलचित्रको यस गीतमा दिवस धिताल र रितु पौडेल फिचरीङ छन् । गीतमा कोरियोग्राफि भने कबिराज गहतराजको रहेको छ । दिव्य सुवेदीको छायांकन रहेको छ भने सम्पादन अर्जुन जिसिले गरेका छन ।

यस अघि भुषण आनन्द ठकुरी निर्देशक रहेको स्विकार्दै ति निर्देशकले चलचित्र निर्देशक बिचैमा छोडि अलपत्र पारेको कारण सम्पूर्ण जिम्मेवारी आफूले सम्हालेर चलचित्र तयार गरेको बताएका छन् ।

चलचित्रका कार्यकारी निर्माता कर्ण थापा किरण र बाबु गौतम रहेका छन् भने निर्माताहरुमा इन्द्र रजक , समृद्धि श्रेष्ठ , बिशाल गुरुङ , कमल चन्द्र पोखरेल र गोबिन्द बर्देवा रहेका छन् ।

फेसबुक प्रतिक्रिया
सम्बन्धित शीर्षकहरु