![](https://musickhabar.com/wp-content/uploads/DNA-announcement-poster-300x150.jpeg)
काठमाडौं, ६ असार । गत साता मात्रै नायिका झरना थापासँग भरपुर रोमान्स गरेका दिपेन्द्रले फेरी सिम्पलसँग रोमान्स गरिरहेको अवस्थामा भेटिए । झरनासँग जति उनी खुलेर रोमान्स गरेका थिए सिम्पलसँग भने अलि लजाएको देखिन्थ्यो । पत्रकार, निर्देशक हुँदै मोडलिङतिर होमिएका दिपेन्द्र घिमिरे यतिखेर दाह्रीकै कारण पनि मोडलिङमा जमेका हुन् जस्तो पनि देखिन्छ । आफूलाई व्यस्त बनाउँदै आएका दिपेन्द्रले सिम्पलसँग चाहिँ किन लजाए भन्ने रहस्य पत्ता लगाउन गाह्रो नपर्ला ! किनकी उनको मनको धागो यतिखेर सिम्पलसँगै जेलिएको छ । अब झरनासँग झेलिएको भए पनि त्यसलाई उनले बिर्सिएर सिम्पलसँग जेल्न थालेपछि चर्चा त हुने नै भयो बा !
निर्देशक दिपेन्द्र घिमिरे यतिखेर निर्देशनमा व्यस्त छन् । केही समयपहिला गायक आनन्द कार्की र स्वरुपराज आचार्यको गीतबाट म्यूजिक भिडियो निर्देशनको शुभारम्भ गरेका घिमिरे त्यसपछि निरन्तर निर्देशनमै व्यस्त छन् । अरनिको टेलिभिजनमा कार्यरत रहेका घिमिरेले आफ्नो पत्रकारिताको समयबाट केही समय बचाउँदै निर्देशनतिर लागेका हुन् । आरपी खनालको शब्दमा रहेको जेलिएको मनको धागोमा गायिका अन्जु पन्तको स्वर रहेको छ भने संगीतकार अर्जुन पोखरेलले संगीत दिएका छन् । यस गीतको म्यूजिक भिडियोको निर्देशन भने दिपेन्द्र घिमिरेकै छ भने सिम्पल खनाल, राजु कार्कीको साथमा दिपेन्द्र घिमिरेको पनि अभिनय रहेको छ । नविन श्रेष्ठको छायाँकन रहेको यस म्यूजिक भिडियोलाई साँगाको रमणीय दृश्यहरुमा छायाँकन गरिएको छ ।