काठमाण्डौ, २२ मङ्सिर । शंकर अधिकारी घायल गीति लेखनको क्षेत्रमा चर्चित नाम हो । थुप्रै चर्चित गीतहरु लेखेका अनि थुप्रै समाजका यथार्थ घटनाहरुलाई प्रयोग गरेर सर्ट मुभि निर्माण र निर्देशनको यात्रा गरिरहेका घायलको यतिबेला सुमधुर स्वरकी धनि नित्या शिवासँग माया बसेको सार्वजनिक भएको छ । गायिका र गीतकारबिच बसेको मायाको साक्षीेमा भने जुनतारा, दुनियाँ सारा नै छन् ।

प्रसंग वास्तविक जीवनमा भने यी दुई बिच माया बसेको नभै पछिल्लो समय सार्वजनिक भएको गीतको हो । ‘जुनतारा, दुनियाँ सारा, हाम्रो मायाको साक्षी भो’ बोलको गीत भर्खरै बजारमा आएको छ ।

गायिका नित्यशिवाको सुमधुर स्वरमा सजिएको उक्त गीतको संगीत पनि स्वंय घायलकै रहेको छ । पुस्कर सुनुवारको एरेञ्जर रहेको गीतको अडियो एनएचएस मिडियाले निकालेको हो । म्यूजिक भिडियो घायलकै निर्देशनमा बनेको हो भने हर्षित रिजन र सुबी शाहीको कुशल अभिनय देख्न पाइन्छ ।

यस्तो छ भिडियोः