आर्यन र रोजीको बिछोडको कथा सुनाउँदै बिनोद

म्यूजिक खवर
प्रकाशित: २० बैशाख २०७९, मंगलवार

काठमाडौं । गायक तथा संगीतकार बिनोद ढकाल र गायिका अस्मिता अधिकारीको स्वरमा रहेको नयाँ गीत भिडियो सहित सार्वजनिक गरिएको छ। ‘सुन सानो कथा’ बोलको सार्वजनिक गीतमा शब्द तथा संगीत बिनोद ढकालको रहेको छ।

भिडियो राजधानी काठमाडौँमा एक कार्यक्रमका बीच सार्वजनिक गरियो। भिडियो सार्वजनिक कार्यक्रममा भिडियो निर्माण टिम,अभिनेता आर्यन सिग्देल,मोडल रोजी पन्त लगायत संचारकर्मीको उपस्थिति रहेको थियो।

मोडल रोजी पन्तले यस अघि केहि म्युजिक भिडियोमा अभिनय गरि सकेकी छन् भने उनि अभिनित चलचित्र ‘पर्पला’ प्रदर्शनको पर्खाइमा रहेको छ।

एम्सन इन्टरटेन्टमेन्ट र ओएमजी इन्टरटेन्टमेन्टको ब्यानरमा निर्माण गरिएको भिडियोको निर्देशन अनुभवी निर्देशक जनकदीप पराजुलीले गरेका हुन्। क्रियटिभ हेड चलचित्रकर्मी भानु प्रताप रहेका छन्।

अमर रसाइलीको कन्सेप्टमा बनेको भिडियोको मेकिङ्ग भ्यालु हाइ देखिएको छ।

निर्देशक जनकदीप र आर्यन सिग्देलले १८ बर्ष पछि संगै काम गरेका छन्। १८ बर्ष अघि ‘घाँस काट्ने’ खुर्केर बोलको रिमिक्स गीतमा संगै काम गरेका थिए। गीतको संगीत संयोजन प्रमोद परियारले गरेका हुन्।

अभिनेता आर्यन सिग्देल र मोडल रोजी पन्त फिचर्ड भिडियोको निर्माता सरस्वती गौतम,सृजना ल्वागुन र भिमराज रसाइली रहेका छन्। अमर रसाइली प्रस्तुतकर्ता रहेको भिडियोमा मायाप्रेममा बिछोडको कथालाई देखाईएको छ।

भिडियो सार्वजनिक कार्यक्रममा बोल्दै अभिनेता आर्यनले सुन सानो कथामा आफ्नो कथा ब्यक्त गरिएको र सबैको मनमा रहेको पिडा र व्यथालाई काल्पनिक रुपमा प्रस्तुत गरिएको बताए।

भिडियोको अन्तमा सस्पेन्स छोड्दै बाँकि अर्को कथामा भनिएको छ। कार्यक्रममा बोल्दै निर्देशक पराजुलीले यस भिडियोको अर्को भाग पनि बन्ने बताए।

सागर प्रधानले छायाँकन गरेको भिडियोको सम्पादन भरत रेग्मीले गरेका छन्। गीत अनुसार भिडियो उत्कृस्ट बनेको छ। भिडियो ओएसआर डिजिटलको अफिसियल च्यानल मार्फत सार्वजनिक गरिएको छ।

म्यूजिक खबर डटकम www.musickhabar.com को अनलाइन टिभी musickhabar youtube channel पनि सञ्चालित छ । फेसबुक, टिकटक र ट्वीटरमार्फत पनि हामीसँग जोडिन सकिनेछ । म्यूजिक खबरमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई musickhabar.com@gmail.com मा पठाउनु होला ।

फेसबुक प्रतिक्रिया
सम्बन्धित शीर्षकहरु