काठमाडौं । पछिल्लो वर्ष सामाजिक सञ्जालमा अत्याधिक चर्चामा रहेको र धेरै श्रोताको मनमुटुमा बस्न सफल गीत ‘एकदिन उज्यालो छाउला’को अफिसियल म्युजिक भिडियो सार्वजनिक भएको छ। गायक गोबिन्द मधुर आयार्यले एक वर्षपछि गीतको अफिसियल भिडियो बनाएर युट्युब च्यानलमार्फत सार्वजनिक गरेका हुन्। एक वर्ष अघि सामान्य लिप्सिङ भिडियो सार्वजनिक भएको उक्त गीत विशेषतः टिकटकमा गीत भाइरल नै भएको थियो । अफिसियल भिडियो सार्वजनिक भएसँगै अझै पनि भइरहेको छ । यस गीतमा टिकटक प्रयोगकर्ता अझै थपिंदै गएका छन्।

गोविन्द मधुरको दुई दशकः संघर्षदेखि सफलतासम्म

पाँच दिन अघिसार्वजनिक गरिएको भिडियो अहिले युट्युब ट्रेण्डिङको उकालो यात्रामा रहेको छ । यो समाचार तयार पारिरहेको समयमा भिडियो संगीततर्फबाट ट्रेण्डिङको २९ औं स्थानमा रहेको छ । गीतमा गोविन्दको संगीत, स्वर र एरेन्ज छ। शब्द दिनेश अधिकारी र उनले मिलेर लेखेका हुन्।

सार्वजनिक भिडियोमा सुशान्त कार्की, लक्ष्मी बर्देवा, विराट योगी लगायतको अभिनय छ। भिडियोलाई विक्रम चौहानले निर्देशन गरेका हुन्। यसमा महेश महराको छायांकन, मिलन विश्वकर्माको सम्पादन छ।

भिडियोमा बीनागल्ती श्रीमतीबाट दोष खेपिरहेको श्रीमानको कथा देखाइएको छ। एकदिन आफ्नो पनि राम्रो दिन आउने कुरा गीतमा गरिएको छ।

यस अघि सार्वजनिक भएको गीतको भिडियोलाई १९ लाख बढी दर्शक÷श्रोताले गीतलाई हेरिसकेका छन् ।