लेखनाथ पोखरेलको चौथो कृती – उपन्यास ‘वनिता’
म्यूजिक खबर
प्रकाशित: ३२ जेष्ठ २०८०, बिहीबार
प्रकाशित: ३२ जेष्ठ २०८०, बिहीबार
काठमाडौं । लेखनाथ पोखरेलको उपन्यास कृति ‘वनिता’ पाठकमाझ आएको छ । यसअघि नियात्रासङ्ग्रह ‘फकलीकोे गाउँ’, कथासङ्ग्रह ‘मार्बल हाउसकी शालिनी’ र हास्यनिबन्ध ‘चिबे(नकटो’ जस्ता कृति सार्वजनिक गरिसकेका स्रष्टा पोखरेलको पछिल्लो कृति उपन्यास ‘वनिता’ पाठकमाझ आएको हो ।
इप्रेश प्रा.लि.मा मुद्रण गरिएको यस कृतिका प्रकाशक सावित्री पोखरेल हुन् ।
पत्रकार कृष्ण भुसाल र रमेश दाहालले सम्पादन गरेको यस उपन्यासमा २८४ पृष्ठ छन् ।
उपन्यासमा ‘पूर्वाद्र्ध, फूलबारी, जिम्दार्नी बज्यै, मनको मयूर, बचेराको उडान, अल्लारे यौवन, बहकिँदो मन, लेखान्त, सत्पाहन्त, पुनर्मिलन, अन्तद्र्वन्द्व, लगनगाँठो र रङ्गमञ्च’ जस्ता उपशिर्षकहरू रहेका छन् । शृङ्गारिक उपन्यास ‘वनिता’ पोखरेलको चौथो कृति हो ।
‘मैले हाम्रै परिवेशमा भएका विभिन्न समयका पदचाप, घटनाक्रमलाई उपन्यासका रूपमा यहाँहरूसमक्ष प्रस्तुत गरेको छु । बाँकी जिम्मेबारी सुधी पाठकवर्गको काँधमा’, स्रष्टा पोखरेलले बताए ।
फेसबुक प्रतिक्रिया
सम्बन्धित शीर्षकहरु
