काठमाडौं । गायिका मञ्जु पौडेलको देउडा ‘कर्णाली पारीको भिनाजु’ सार्वजनिक भएको छ। संचारकर्मी डीबी खड्काको शब्द एवं विनोद बाजुरालीको संगीतमा ‘कर्णालीपारीको भिनाजू’ मा गायिका मन्जु पौडेल र गायक राजेन्द्र बाजुरालीको स्वर रहेको छ । विनोद बाजुरालीकै संगीत संयोजन रहेको ‘कर्णालीपारीको भिनाजू’ खडग बाजुरालीको मिक्सिङ रहेको छ ।
देउडामा आधारित गीतमा गायिका मञ्जुसँगै राजेन्द्र बाजुरालीको स्वर रहेको छ।
गीतमा आफ्ना लागि उपयुक्त बरको खोजीमा रहेकी महिलाको मनोभाव उनिएको छ। ‘प्यासी खोज्दै पानी’ आएको जस्ता शब्द प्रयोग गरिएका छन्। महिलाले पनि आफ्ना लागि आफैं जीवनसाथी खोज्न सक्ने वर्तमान अवस्थाको चित्रण गर्न खोजिएको गीतकार खड्काले बताएका छन्।
गायिका र कार्यक्रम प्रस्तोताका रुपमा गायिका पौडेल सुदूरपश्चिममा धेरै लोकप्रिय छिन्। ‘सुदूरपश्चिमले माया गरेपनि त्यहाँको गीत गाउन पाएकी थिइनँ। त्यसैले यो पटक गीतमार्फत् सुदूरपश्चिमका मेरा दर्शकस्रोतालाई सम्बोधन गर्न पाएको छु, गायिका पौडेलले भनिन्।
त्यसो त गायिका मन्जु पौडेलले गीतको म्युजिक भिडियोमा पौडेलले अभिनेता धिरेन शाक्यसँग जोडी बाँधेकी छिन्। विक्रम चौहानले निर्देशन एवं कोरियोग्राफी रहेको गीतको भिडियोलाई दुर्गा पौडेलले खिचेका छन् भने नवीन घर्ती मगरले सम्पादन गरेका छन् । गीतको भिडियो गायिका मन्जु पौडेलको अफिसियल यूट्युब च्यानलबाट सार्वजनिक गरिएको छ ।