काठमाडौं । कुनै समय चर्चाको शिखरमा रहेका गायक नविन के भट्टराईको नयाँ गीत सार्वजनिक भएको छ। भट्टराईको ‘सम्झिरहन्छु’ बोलको गीत सार्वजनिक भएको हो । यो गीतमा नविन आफैंले संगीत भरेका छन् र संगीत संयोजन पनि उनकै छ।

गीतसँगै यसको म्युजिक भिडियो पनि सार्वजनिक भएको छ । भिडियोको छायांकन पक्ष निकै सुन्दर छ। भिडियोको छायांकन सौरभ लामाले गरेका हुन्।

भिडियोमा नायिका वर्षा शिवाकोटी र राज कटुवालको अभिनय हेर्न सकिन्छ। मनोरञ्जन क्षेत्रमा काम गर्ने एक कलाकारले आफ्नो प्रेमीलाई समय दिन नसक्दाको अवस्थालाई भिडियोमा चित्रण गरिएको छ। भिडियोको निर्देशन नविना भट्टराईले गरेकी छन्।