अमेरिकामा नेप्लीज सोसाईटी अफ टेक्ससलले बलात्कार पछि हत्या गरिएकी १३ वर्षीया पन्तको न्यायको लागि आवाज उठाउँदै पन्तका हत्यारालाई तत्काल पक्राउ गरेर सार्वजनिक गर्न सरकारसँग माग गरेको छ । निर्मला बलात्कार भए हत्या भएको घटनाले दुई महिना समय बितिसक्दा पनि वास्तविक अपराधि प्रहरीले पक्राउ गर्न असफल भएको भन्दै यस विषयलाई गम्भिर भएर लिनु सरकारलाई आग्रह गरेको हो ।
बलात्कार पछि हत्या गरिएकी निर्मलाको न्यायको लागि आवाज उठाउँदै ‘नेप्लीज सोसाईटी अफ टेक्सस’
म्यूजिक खबर
प्रकाशित: १० आश्विन २०७५, बुधबार
प्रकाशित: १० आश्विन २०७५, बुधबार
अमेरिका । ‘नेप्लीज सोसाईटी अफ टेक्सस’ ‘अमेरिका’ ले नेपाल सरकारलाई कञ्चनपुरकी १३ वर्षीया बालिका निर्मला पन्त हत्या काण्डमा संलग्न दोषीलाई कानूनको दायरमा ल्याउन नसकेको आरोप लगाएको छ ।
नेपाली समाज टेक्ससका अध्यक्ष सुमन थापाको सभापतित्वमा सम्पन्न श्रदाञ्जली कार्यक्रममा टेक्ससका महासचिव भक्त भण्डारीले पिडितलाई न्यायदिन सरकार चुकेको आरोप लगाएका हुन । उनले भने,‘निक्कै लामो समय बितिसक्दा पनि हाम्री छोरी निर्मलाका हत्यारालाई सरकारले पक्राउ गर्न सकेको छैन्, हामी देशभन्दा बाहिर छौं, यतैबाट सरकालाई आग्रह गर्न चाहन्छौं, हाम्रो मुलुक बुद्ध जन्मेको भूमि हो, यस्तो पवित्र देशमा किन यस्ता नरपिचासहरुको विगविगी बढ्दैछ ? यसमा सरकार गम्भिर हुनुपर्छ, दोषीलाई उन्मुक्ति दिने प्रहरी प्रशासनका कर्मचारीहरुलाई कडा कारबाही गर्नुपर्छ ।’
निर्मलाको हत्यारालाई पक्राउ गर्न दवाव दिने उद्देश्यले अमेरिकाको टेक्ससमा बस्ने नेपालीहरुले विरोध कार्यक्रम गरेका छन् । निर्मलाको परिवारलाई न्याय माग्दै टेक्सस डलासका नेपालीले अर्विङमा दिप प्रज्जवलन गरेका छन् ।
आफुहरु विदेशी भूमीमा रहे पनि नेपालमा घटिरहेका बलात्कारका घटनाहरुले मन पोल्ने गरेको बताउँदै आयोजकसंस्था सदस्यहरुले निर्मलाका हत्यारालाई तत्काल पक्राउ गर्न माग गरेका छन् । उनीहरुले नेपालमा भइरहेको ‘निर्मलाको लागि न्याय’ आन्दोलनमा एक्येवद्धता समेत जनाएका छन् ।
उनीहरुले नेपालमा दण्डहिनता बढेको भन्दै चिन्ता ब्यक्त गरेका छन् । दिनहुँ महिला माथि भएका यौन हिंसाका घटनाका समाचारले आक्रान्त परेको भन्दै सरकारलाई छोरी चेलीलाई सुरक्षित भएर हिड्ने बाताबरण बनाउन माग गरे ।
कार्यक्रममा गैर आवासीय नेपाली संघ अमेरिकाका वरिष्ठ उपाध्यक्ष सुनील शाह, सुदुरपश्चिम नेपाली समाजका अध्यक्ष प्रेम शाही भोजवहादुर वलायर, एचडीएनपिका अध्यक्ष देबिराम आचार्य, एभरेस्ट लायन्सका अध्यक्ष थलराज पन्त, बिभिन्न संघ संस्थाका पदाधिकरीहरुको उक्त सभामा सहभागीता जनाएको टेक्सास महासचिव भण्डारीले जानकारी दिएका छन् ।
फेसबुक प्रतिक्रिया
सम्बन्धित शीर्षकहरु
ताजा अपडेट
