• गालीको वर्षात् र माया

    म्यूजिक खवर
    प्रकाशित: २ फाल्गुन २०७७, आईतवार

    युवराज अधिकारी

    हो,
    रिसाए नि आफ्नोपनमा
    साँच्चै धेरै माया
    मनको मान्छे जहा भए नि
    बस्छ सधैं छायाँ
    कहिलेकाहिँ त
    रिस र गालीको अभाव पनि
    यस्तरी खड्किन्छ कि
    फिक्का माया त
    नून तेल बिनाको तरकारी हुन्छ
    सायद सायद
    मलाई मात्र हुन्छ कि
    तिमीलाई पनि
    त्यस्तै हुन्छ ?
    सुटुक्क सोधुँ भन्छु
    सुस्तरी त सोधुँ भन्छु कसैलाई
    तर अहँ भित्र भित्रै डरलाग्छ
    कतै भित्र भित्रै सम्हालिएको
    अन्तर कुन्तरमा अँगालिएको
    मायाको सागरमा
    ज्वारभाटा चल्छन् कि ?
    छालहरु छचल्किन्छन् कि ?
    बरु कहिलेकाहिँ त
    कसै कसैको
    रिस र गालीको वर्षातमा
    रुझेर पनि
    आगो ताप्नुको मज्जा नै बेग्लै हुन्छ !
    आगो ताप्नुको मज्जा नै बेग्लै हुन्छ !

    फेसबुक प्रतिक्रिया
    सम्बन्धित शीर्षकहरु