![](https://musickhabar.com/wp-content/uploads/DNA-announcement-poster-300x150.jpeg)
पौष २७, काठमाडौं । थुप्रै गीतहरुमा सुमधुर स्वर दिएकी चर्चित गायिका जुना प्रसाईं र उतिकै चर्चित संगीतकार दिपक शर्मालाई यतिबेला बाल्यकालको यादले सताएको छ । भर्खरै सार्वजनिक भएको गीत ‘ताराबाजी लै लै’ मा यस्तो भाव समेटिएको हो । ‘ताराबाजी लै लै’ मा जुनाको कलात्मक गायकी सँगसँगै दीपक शर्माका शब्दमा स्वयं शर्माले नै संगीत भरेका छन् ।
गीत सुनेपछि सबैले आफ्नो बालापनमा भोग्ने, देख्ने र गर्ने चुलबुले व्यवहार, तनावबिना बाँचेको जीवन स्मरण दिलाउने छ ।
जुनाले आफ्नै युट्युब च्यानलबाट गीत सार्वजनिक गरेकी हुन् ।
युवराज वाइवाको निर्देशन रहेको भिडियोमा केशव भट्टराई, रश्मी भट्ट, अभिज्ञा प्रसाई, एलिसा श्रेष्ठ र निर्जला बरालको अभिनय छ। निशान घिमिरेले सम्पादन गरेको गीतलाई उत्सव दाहालले छायांकन गरेका हुन् । गीतको एरेन्ज उदयराज पौडेलले गरेका हुन् ।
हेर्नुहोस भिडियो यस्तो छ :