• म मन्दिर हुँ मायाको कसैले तोडेर के भो – जानकी पन्त

    म्यूजिक खवर
    प्रकाशित: १५ मंसिर २०७७, सोमबार

    म मन्दिर हुँ मायाको कसैले तोडेर के भो?
    म एक्लै छु यो भिडमा कसैले छोडेर के भो?

    म मुहान हुँ मायाको एक बाँध टुटेर के भो?
    म पुजारी हुँ मायाको एक पुजा रुकेर के भो?

    म तृप्ति हुँ आफ्नै तृष्णाको केहि पल तड्पेर के भो?
    म उमंग हुँ आफ्नै मनको केहि रहर रुझेर के भो?

    म सागर हुँ मायाको केहि जहर पिएर के भो?
    म अनुरागी आफ्नै हृदयको फेरी यो मन दुखेर के भो?

    म उपहार हुँ आफैमा कसैले नअपनाएर के भो?
    म नजिग छु आफूमा अरु ट़ाढीएर के भो?

    म आवाज हुँ आफ्नै आत्माको फेरि अरु नबोलेर के भो?
    म आकाश हुँ आफ्नै भावनाको केहि भाव भुइमा गिरेर के भो?

    म बादल हुँ आसुको सागरको केहि बुद् भुइमा झरेर के भो?
    म महल हुँ सुन्दर कल्पनाको केहि सपना बिग्रेर के भो?

    म किरण हुँ आफ्नै खुशीको केहि दुख जीबनमा झेलेर के भो?
    म धर्ती हुँ धैर्यताको थोरै साहास जीबनमा टुटेर के भो?

    म भरोशा हुँ आत्मबिश्वासको केहि आश जीबनमा मरेर के भो?
    म प्रकाश हुँ आफ्नै आत्माको केहि दीप जीबनमा निभेर के भो?

    म मन्दिर हुँ मायाको कसैले तोडेर के भो?
    म एक्लै छु यो भिडमा कसैले छोडेर के भो?

    फेसबुक प्रतिक्रिया
    सम्बन्धित शीर्षकहरु