काठमाडौं । एस के ईन्टरटेनमेन्टको प्रस्तुतिमा आयोजना हुँदै गरेको मिसेस एण्ड मिस गुरुङ २०२२, सिजन–३ को ट्यालेन्ट राउण्ड भव्यताको साथ सम्पन्न भएको छ। ट्यालेन्ट राउण्डमा मिस गुरुङ तर्फ सन्ना गुरुङ, सितलदेबी गुरुङ, दिपसीखा गुरुङ, ईशा गुरुङ, अस्मिता गुरुङ, सुखिना गुरुङ, मिना गुरुङ र गोमा गुरुङले आफ्नो–आफ्नो प्रतिभा देखाएका थिए भने त्यसैगरी मिसेस गुरुङ तर्फ पबी गुरुङ, हेमा गुरुङ, सिता गुरुङ, निलम गुरुङ, नानु गुरुङ, माया गुरुङ, सरस्वति गुरुङ, बिमला गुरुङ, फुलमाया गुरुङ, शर्मिला गुरुङ, लक्ष्मी गुरुङ र ममता गुरुङले आफ्नो ट्यालेन्ट प्रस्तुत गरेका थिए।

पूर्व राज्यमन्त्री पर्शुराम तामाङको प्रमुख आतिथ्यतामा सम्पन्न उक्त ट्यालेन्ट राउण्डमा नायिका संचिता लुइँटेल, संचारकर्मी कलाकार तथा समाजसेवी सुर्य चन्द, मिस ईण्डीजिनियस–२०२१ नम्रता तामाङ, सुशिला थापा, रोजिना गुरुङ, राधा थोकर, निरु राई, अजय अधिकारी र सिताराम राना निर्णायक मण्डल रहेका थिए।

गुरुङ जातिको कला संस्कृति भेषभूषा, रितिरिवाज एवम् रहनसहनलाई उजागर गर्दै विवाहित तथा अविवाहित गुरुङसेनी, गृहिणी र व्यवसायिक महिला दिदिबहिनी मार्फत अन्य जन जाति, समाज, राष्ट्र तथा अन्तराष्ट्रियस्तरमा समेत प्रवद्र्धन र सामाजिकीकरण गर्ने उदेश्यले बिगत ३ बर्षदेखि आयोजना गरिँदै आएको मिसेस एण्ड मिस गुरुङ–२०२२ सिजन–३ समग्र जनजातिहरुको प्रतिनिधित्वमुलक सौन्दर्य प्रतियोगिता हो। उक्त प्रतियोगिताको बिजेताले राष्ट्रिय तथा अन्तराष्ट्रियस्तरको प्रतियोगितामा भाग लिन पाउने सहित चलचित्र, म्युजिक भिडियो, मिडिया अन्तरबार्तामा समेत सहभागिता हुन पाउनेछन।

जसमा नेपालका ख्याति प्राप्त चर्चित फेसन कोरियोग्राफर ट्रेनर रोजिन शाक्यबाट प्रतिस्पर्धिहरुलाई सञ्चार दक्षता, एमसिइङ, पब्लिक स्पिकिङ, व्यक्तित्व विकासको कक्षा, आत्मविश्वास अभिवृद्धि गराउने कक्षा, मोटिभेसन क्लास तथा व्यक्तित्व विकास सम्बन्धि विषयमा प्रशिक्षण प्रदान गरिएको छ। प्रतियोगीहरुले आफुले सिकेको ज्ञानहरुलाई समाजमा प्रतिस्पर्धा गर्न अनि आफ्नो आत्माबिश्वास बढाएर भोलिको दिनमा ट्रेनिङ बाट सिकेको कुराहरुलाई उपयोग गर्न सक्ने बनाउनुनै मुख्य लक्ष्य रहेको आयोजक शान्ता तामाङ बताउछिन। यस सौन्दर्य प्रतियोगीताले गुरुङ बिबाहित नारि, युवा युवतीहरुबीच व्यक्तित्व विकास र आफु संग भएको प्रतिभा प्रस्फुटन गरि समाजमा एक प्रकारको सकारात्मक सन्देश दिन सफल हुने कुरामा उनी बिस्वस्त छिन्।